អាជ្ញាធរ បានស្ថិតនៅក្នុងស្ថានភាពប្រុងប្រយ័ត្នខ្ពស់ សម្រាប់ការវាយប្រហារនៅឥណ្ឌូណេស៊ី ពោលគឺ ៥ ថ្ងៃមុនមានការវាយប្រហារតាមរយៈការបំផ្ទុះគ្រាប់បែកអត្តឃាតនៅកណ្តាលទីក្រុង ហ្សាកាតា នោះបើយោងតាម ប្រធានភ្នាក់ងារស៊ើបការសម្ងាត់ឥណ្ឌូណេស៊ីលោក Sutiyoso ប្រាប់ឲ្យដឹងកាលពីថ្ងៃសុក្រម្សិលមិញ។ ប្រធានភ្នាក់ងារសន្តិសុខរូបនេះ ធ្លាប់បានថ្លែងម្តងរួចមកហើយកាលពីខែវិច្ឆិកាកន្លងទៅថា អាចនឹងមានការវាយប្រហារណាមួយកើតឡើងនៅក្នុងប្រទេស ប៉ុន្តែបញ្ហាពិបាកត្រង់ថាមិនដឹងថ្ងៃណានឹងទីកន្លែងណាដែលពួកគេនឹងធ្វើការវាយប្រហារ។
លោក Sutiyoso ថ្លែងថា លោកបានទទួលព័ត៌មានថាក្រុមភេរវជន នឹងធ្វើការវាយប្រហារនៅថ្ងៃទី ០៩ មករា ប៉ុន្តែពួកគេបានបង្វែរធ្វើការវាយប្រហារនៅថ្ងៃ ១៤ មករា វិញ។ លោក Sutiyoso បានធ្វើការប្រៀបធៀបការវាយប្រហារ នៅហ្សាកាតា នៅ ប៉ារីស និង នៅទួរគីថា វាមិនមែនជារឿងសាមញ្ញឡើយ ដើម្បីកំណត់ពេលវេលានឹងទីកន្លែង ដែលភេរវជនធ្វើការវាយប្រហារនោះឡើយ ព្រោះការវាយប្រហាររបស់ភេរវជន មិនដូចការវាយប្រហាររបស់យោធារដ្ឋាភិបាលឡើយ។ ក្រុមភេរវជនមិនដែលផ្តល់សញ្ញានឹងប្រាប់ពីរបៀបនៃការប្រហារនោះឡើយ ចំណែកយោធាតែងជូនដំណឹងជានិច្ចមុនបើកធ្វើប្រតិបត្តិការណាមួយ។
គួរបញ្ជាក់ថានៅចន្លោះម៉ោង ១០ និង ៤៥ នាទីម៉ោងក្នុងស្រុក មានការបំផ្ទុះគ្រាប់បែកអត្តឃាតជាច្រើនកន្លែងនៅកណ្តាលក្រុងហ្សាកាតា ដែលបណ្តាលឲ្យមនុស្ស ៧ នាក់ស្លាប់ដោយ ៥ នាក់ជាភេរវជន និង ២ នាក់ជាជនស៊ីវិល និង ២៦ នាក់ផ្សេងទៀតរងរបួស។
ប្រភព៖ Thebnews
0 comments:
Post a Comment