មាន​ដឹង​ទេ​ថា​ Ronaldo​ បាន​ក្លាយ​ជា​ជំនួយ​ការ​របស់​ Neymar​ និង​ Messi?​

ថ្វីបើ​ពួកគេ​ទាំងពីរ​ត្រូវ​បាន​ចាត់​ទុក​ជា​គូ​បដិបក្ខ​ដ៏​អស្ចារ្យ​នៅ​លើ​ទីលាន​ប្រយុទ្ធ​បៃតង​​ក៏ពិត​មែន​ ឥឡូវ​នេះ​ Cristiano​ Ronaldo​ បាន​ចេញ​មក​និយាយ​ថា​ រូបគេ​ និង​ Lionel Messi ​មាន​ទំនាក់ទំនង​ដ៏​ល្អ​មួយ។​ កីឡាករ​ម្ចាស់​ពានរង្វាន់​ Ballon d’Or ​បី​ជំនាន់​រូប​នេះ​ បាន​និយាយ​ដូច្នេះ​ ក្រោយ​ពេល​រូបគេ​បាន​ជួយ​ឲ្យ​ Real Madrid​ យកឈ្នះ​ Sporting Gijon​ ៥​ទល់​នឹង​១​ កាលពី​ថ្ងៃ​អាទិត្យ​សប្ដាហ៍​មុន​។​

onaldo​ បាន​ឲ្យ​ដឹង​ថា​ “​ពួក​យើង​ទាំងពីរ​​កាន់តែ​មាន​ភាព​ជិតស្និទ្ធ​ ហើយ​យើង​តែង​មាន​ទំនាក់ទំនង​ដ៏​ល្អ​ ប៉ុន្តែ​ទើបតែ​ប៉ុន្មាន​ឆ្នាំ​ចុងក្រោយ​នេះ​ទេ​ ដែល​​ភាព​ជិតស្និទ្ធ​បាន​កើន​ឡើង​បន្តិចបន្តួច​នោះ”។​ ទន្ទឹមគ្នា​នោះ​ Ronaldo​ ក៏​បាន​និយាយ​កំប្លែង​ទាក់ទង​នឹង​ Neymar​ និង​ Messi​ នៅ​អំឡុង​ពេល​កម្មវិធី​ Ballon d’Or​ ដែរ។​ ក្នុង​នោះ​កីឡាករ​សញ្ជាតិ​ព័រទុយហ្គាល់​រូប​នេះ​ បាន​និយាយ​បែប​កំប្លែង​ថា​ “​នៅ​ពេល​ពួក​យើង​ស្ថិត​នៅ​លើ​ឆាក​ ទាំង​ Messi ​និង​ Neymar​ គឺ​មិន​ចេះ​និយាយ​អង់គ្លេស​ទេ​ ហេតុនេះ​ហើយ​ខ្ញុំ​បាន​ក្លាយ​ជា​អ្នក​បកប្រែ​របស់​ពួកគេ​” Ronaldo​ បាន​បន្ថែម​ថា​ “​ក្រោយមក​ខ្ញុំ​បាន​និយាយ​ទៅ​កាន់​ពួកគេ​ទាំងពីរ​ ហើយ​ប្រាប់​ពួកគេ​ថា​ កុំ​ភ្លេច​បង់​ថ្លៃ​សេវាកម្ម​បក​ប្រែ​ផង!”។​

ស្ដាប់ទៅ​ Ronaldo​ ក៏ចូលចិត្ត​កំប្លែង​ខ្លាំងដែរ​ តែ​យ៉ាងណាមិញ​ក៏​សូម​បញ្ជាក់​ផង​ដែរ​ថា​ កីឡាករ​កំពូល​ទាំង​ពីរ​រូប​រវាង​ Cristiano​ Ronaldo​ និង​ Lionel ​Messi​ នឹង​ត្រូវ​ប្រឈមមុខ​ជាមួយ​គ្នា​ម្ដង​ទៀត​នៅ​លើ​ទីលាន​ នៅ​ក្នុង​ខែ​មេសា​ខាង​មុន​នេះ​ ក្នុង​ជំនួប​ El Clasico៕