១) មើលពីគំរូនៃភាពជោគជ័យរបស់បុគ្គលដទៃ ៖ ដូចអ្នកដឹងហើយថាវិធីមួយ ដែលបុគ្គលមួយធ្វើហើយទទួលបានជោគជ័យ មិនប្រាកដថាអ្នកអាចទទួលបានជោគជ័យរបស់ខ្លួន ជាមួយនឹងវិធីរបស់ពួកគេឡើយ។ អ្វីដែលអ្នកត្រូវធ្វើគឺមើលឲ្យបានច្រើនពីវិធីដើម្បីទទួលជោគជ័យ របស់បុគ្គលល្បីដោយពេលខ្លះអ្នកអាចយកវិធីមួយដែលមានភាពស៊ីគ្នាជាមួយអ្វីដែលអ្នកកំពុងធ្វើ ចេញក្នុងចំណោមវិធីជោគជ័យទាំងឡើយរបស់ពួកគេដែលអ្នកមើលឃើញ។
២) ត្រូវធ្វើការរួមគ្នា ៖ ទោះបីជាអ្នកមានទស្សនៈវែងឆ្ងាយ មានយុទ្ធសាស្ត្រខ្ពស់ ផុតពីគូប្រជែង តែមិនប្រាកដថាអាចធ្វើឲ្យអ្នកជោគជ័យឡើយ។ បុគ្គលជំនាញ បុគ្គលដែលមានវិជ្ជាជីវៈគឺជាផ្នែកមួយសំខាន់ដើម្បីសាងនូវភាពជោគជ័យឲ្យអ្នក ដូច្នេះអ្នកគួរតែចេះប្រមូលផ្តុំមនុស្សដែលមានទេពកោសល្យទាំងឡាយឲ្យមកនៅជុំវិញខ្លួនអ្នក។
៣) បង្កើតក្រុមហ៊ុនឲ្យនៅលើមនុស្ស ៖ ក្រុមហ៊ុនមួយរីកចម្រើន គឺពឹងផ្នែកការប្រឹងប្រែងធ្វើការងាររួមគ្នារបស់បុគ្គលិកនិមួយៗ ដូច្នេះអ្នកត្រូវ ចេះឲ្យតម្លៃពួកគេ ដើម្បីឲ្យពួកគេក្លាយជាសសរស្ដម្ភដើម្បីទ្រក្រុមហ៊ុន។
៤) បុគ្គលឆ្នើមយកចិត្តទុកដាក់លើមនុស្ស ៖ មេដឹកនាំដែលពូកែ មេដឹកនាំដែលឆ្នើម គឺជាមនុស្សដែលយកចិត្តទុកដាក់ចំពោះមនុស្សក្រោមបង្កាប់ ចូលរួមដោះស្រាយបញ្ហា លើកទឹកចិត្ត និងចូលរួមអបអរនៅពេលនរណាមួយទទួលបានភាពជោគជ័យជារបស់ខ្លួន។
៥) ត្រូវហ៊ានប្រថុយ ៖ គ្មានការផ្លាស់ប្តូរណាមួយអាចកើតឡើងនោះទេ ប្រសិនបើអ្នកមិនហ៊ានប្រថុយក្នុងការធ្វើអ្វីមួយនោះ ការប្រថុយមិនមែនជាការលះបង់ឡើយ តែវាជាការដកពិសោធន៍សម្រាប់អ្នក ឲ្យដឹងថាវិធីណាមួយដែលដំណើរការ និង វិធីណាមួយដែលមិនដំណើរការ។
៦) ផ្ដោតសំខាន់លើអ្វីមួយដែលជារបស់ល្អបំផុតរបស់ខ្លួន ៖ នៅពេលដែលអ្នកដឹងថាអ្នកកំពុងមានភាពខ្លាំងលើអ្វីមួយហើយនោះ អ្នកគួរតែបន្តអនុវត្តបន្ថែមទៀត ព្រោះការបន្តធ្វើអ្វីដែលជាភាពខ្លាំងរបស់ខ្លួន ជួយសំលៀងនូវរបស់នោះកាន់តែមុតស្រួចថែមទៀត។
៧) កំណត់គោលដៅ ៖ ការកំណត់គោលដៅជាផ្នែកមួយសំខាន់ដើម្បីដើរដល់ភាពជោគជ័យ ព្រោះវាជួយឲ្យអ្នកមើលដឹងពីសកម្មភាពរបស់ខ្លួន ថាបានធ្វើអ្វីខ្លះហើយ និង កំពុងតែស្ថិតនៅចំណុចណានៅលើគោលដៅដែលអ្នកបានកំណត់។
៨) ត្រូវមានទស្សនៈវិស័យ ៖ ទស្សនៈវិស័យជាកត្តាដែលជំរុញមនុស្សឲ្យវិវឌ្ឍខ្លួនឥតឈប់ឈរ មនុស្សគ្មានទស្សនៈវិស័យ មិនអាចរីកចម្រើនទៅមុខបានឡើយ ព្រោះទស្សនៈវិស័យអាចឲ្យមនុស្សមើលឃើញពីព្រឹត្តិការនៃអនាគតកាល ដែលធ្វើឲ្យមនុស្សចេះត្រៀមរៀបចំខ្លួនជាមុនដើម្បីធ្វើវា។
៩) រក្សាសន្យារបស់ខ្លួន ៖ មនុស្សនឹងបាត់នូវគុណតម្លៃខ្លួនឯង ប្រសិនបើអ្នកមិនអាចធ្វើអ្វីមួយឲ្យនរណាម្នាក់ច្រើនលើកច្រើនសារ ចំពោះអ្វីដែលខ្លួនបានសន្យាចំពោះពួកគេ។ ផ្ទុយមកវិញមនុស្សនឹងកាន់តែមានតម្លៃនូវពេលដែលខ្លួនបានធ្វើអ្វីៗគ្រប់យ៉ាង ទៅតាមពាក្យសម្តីរបស់ខ្លួន។
0 comments:
Post a Comment