ក្រុមហ៊ុន ហ្វេសប៊ុក បានឲ្យដឹងថាកម្មវិធីផ្ញើសាររបស់ខ្លួនមានចំនួននៃអ្នកប្រើប្រាស់រហូតដល់ ៨០០ លាននាក់ដែលបានធ្វើឲ្យវាក្លាយជាកម្មវិធីដែលលូតលាស់លឿនជាងគេបំផុតនៅក្នុងឆ្នាំ២០១៥។
កម្មវិធីផ្ញើសារនេះ គឺជាកម្មវិធីដែលក្រុមហ៊ុន ហ្វេសប៊ុក បានបង្កើតឡើងក្នុងឆ្នាំ២០១៤ ដែលទទួលបានការគាំទ្រច្រើនជាងកម្មវិធីប្រកួតប្រជែងមួយចំនួនដូចជា Snapchat នឹង Viber ជាដើមប៉ុន្តែវានៅតែចាញ់កម្មវិធីមួយដែលជាកម្មសិទ្ធិរបស់ក្រុមហ៊ុន ហ្វេសប៊ុក ផងដែរនោះគឺកម្មវិធី WhatsApp ដែលមានអ្នកប្រើប្រាស់រហូតដល់ ៩០០ លាននាក់។ WhatsApp គឺជាកម្មវិធីដំបូងដែលអនុញ្ញាតឲ្យមនុស្សអាចធ្វើការផ្ញើ និងទទួលសារជាអក្សរដោយឥតគិតថ្លៃនៅលើស្មាតហ្វូនរបស់អ្នកដោយប្រើប្រាស់ជាមួយនឹងប្រព័ន្ធអ៊ីនធឺណិត។ អ្នកប្រើប្រាស់អាចធ្វើការផ្លាស់ប្តូរសារ ហើយកម្មវិធីនេះបានផ្តល់ការហៅទូរស័ព្ទជាវីដេអូ នឹងសេវាអាជីវកម្មមួយចំនួនដោយឥតគិតថ្លៃផងដែរ។
ហ្វេសប៊ុក មានផែនការក្នុងការរកប្រាក់ចំណូលពីការផ្សព្វផ្សាយនៅលើកម្មវិធីផ្ញើសាររបស់ខ្លួន ប៉ុន្តែក្រុមហ៊ុនពុំបានបញ្ជាក់ពេលវេលាពិតប្រាកដដែលវានឹងដំណើរការនៅឡើយទេ។ បណ្តាញសង្គមធំបំផុតរបស់ពិភពលោកដែលមានចំនួនអ្នកប្រើប្រាស់ប្រមាណ ១,៥៥ ពាន់លាននាក់ហើយទទួលបានប្រាក់ចំណូលពីការផ្សព្វផ្សាយពាណិជ្ជកម្មដែលបង្ហាញនៅលើទំព័រហ្វេសប៊ុករបស់អ្នកប្រើប្រាស់ម្នាក់ៗ។
កម្មវិធីផ្ញើសារ Messenger បានបន្ថែមនូវលក្ខណៈពិសេសៗក្នុងរយៈពេលប៉ុន្មានខែកន្លងមកនេះ ដោយបានអនុញ្ញាតឲ្យអ្នកអាចចុះឈ្មោះប្រើប្រាស់ដោយពុំចាំមានគណនីហ្វេសប៊ុក ក៏ដូចជាទូទាត់ការចំណាយ ការហៅទូរស័ព្ទជាវីដេអូ នឹងការប្រាស្រ័យទាក់ទងដោយផ្ទាល់ជាមួយអាជីវកម្មផ្សេងៗ។ កាលពីខែធ្នូកន្លងទៅ កម្មវិធីផ្ញើសារនេះបានដំណើរការជាមួយកម្មវិធី ride-hailing ដែលផលិតដោយក្រុមហ៊ុនបច្ចេកវិទ្យា Uber Inc ។
ក្រុមហ៊ុន ហ្វេសប៊ុក ក៏បានចាប់ផ្តើមធ្វើតេស្តជាជំនួយការឌីជីថលហៅថា M ដែលធ្វើប្រតិបត្តិការតាមរយៈកម្មវិធីផ្ញើសាររបស់ខ្លួន។ វាមានសមត្ថភាពក្នុងការ កក់នៅភោជនីយដ្ឋាន ការកក់នៅក្រុមហ៊ុនអាកាសចរណ៍ នឹងភារកិច្ចផ្សេងទៀតជាច្រើន ដែលសេវាកម្មនេះអាចប្រើបានត្រឹម ១ ម៉ឺននាក់តែប៉ុណ្ណោះនៅក្នុងតំបន់នៃរដ្ឋ សាន់ហ្វ្រាន់ស៊ីស្កូ ប៉ុន្តែលោក Marcus បានប្រាប់ឲ្យដឹងថា ហ្វេសប៊ុក សង្ឍឹមថានឹងផ្តល់ជូនវាទៅអ្នកប្រើប្រាស់ជាច្រើនទៀតនៅក្នុងឆ្នាំនេះ។
ប្រភព៖ Thebnews
0 comments:
Post a Comment