១) គ្រូបង្ហាត់
មិនថាតារា ចម្រៀង តារា សម្ដែង កីឡាករ អត្តពលិក អ្នកនយោបាយ អ្នកវិទ្យាសាស្ត្រ គឺសុទ្ធតែមានគ្រូបង្គោលមកដឹកនាំ មកបង្ហាត់បង្រៀន ដើម្បីវិជ្ជាជីវៈ និងភាពជោគជ័យ។ ដើម្បីជោគជ័យហេតុអ្វីត្រូវការ មនុស្សនេះចូលមកក្នុងជីវិតអ្នក? អ្នកត្រូវដឹង ថាគ្រូបង្ហាត់បង្រៀន ឬ អ្នកប្រឹក្សាយោបល់ជាដើម គឺសុទ្ធតែជាមនុស្សដែលបានដើរដល់កន្លែងមួយ ដែលអ្នកកំពុង តែចង់ដើរទៅ កាន់ដូច្នេះពួកគេជាមនុស្សតែម្នាក់គត់ ដែលដឹងពីផ្លូវដែលត្រូវដើរទៅកាន់ ប៉ុន្តែអ្នកត្រូវប្រាកដថាមនុស្សម្នាក់នេះគឺមានជំនាញដែលអ្នកចង់បានដែលត្រូវនឹងអាជីវកម្មរបស់អ្នក។
២) អ្នកលើកទឹកចិត្ត
រាល់សកម្មភាពដែលអ្នកធ្វើ គឺសុទ្ធតែមានកត្តាជំរុញទឹកចិត្ត ដើម្បីបណ្ដុះឆន្ទៈក្នុងការធ្វើអ្វីមួយ។ អ្នកលើកទឹកចិត្តគឺជាមនុស្សដែលអ្នកចង់លើ ពាក្យថាខ្ញុំគាំទ្រចំពោះសកម្មភាពរបស់អ្នក ដែលអាចជួយធ្វើឲ្យក្តីសុបិនរបស់អ្នកក្លាយជាការពិត ហើយពួកគេក៏ជាមនុស្ស ដែលហាននិយាយថាខ្ញុំមិនគាំទ្រសកម្មភាពរបស់អ្នក ព្រោះទង្វើដែលអ្នកកំពុងធ្វើនាំទៅរកការខាតបង់។ ដើម្បីសម្រេចគោលបំណងរបស់ខ្លួនតើនរណាដែលអ្នកចង់លើពាក្យថាខ្ញុំគាំទ្រអ្នក? ជាអតិថិជន? ជាវិនិយោគិន ឬ ជាមិត្តរួមការងារ?
៣) អ្នកជួយសង្គ្រោះ
អ្នកជួយសង្គ្រោះគឺជាមនុស្សសំខាន់ដែលអាចជួយអ្នកឲ្យគេចផុតពីភាពគ្រោះថ្នាក់ ប៉ុន្តែប្រសិនបើអ្នកមិនអាចរកឃើញថាអ្នកណាអាចជួយអ្នកបាន នៅពេលដែលអ្នកជួបឧបសគ្គលើខ្សែផ្លូវសម្រាប់ដើរទៅរកភាពជោគជ័យ អ្នកប្រហែលជាមិនដឹងថាអ្នកណាដែលអ្នកគួរទៅពឹងនៅពេលជួបបញ្ហានោះឡើយ។ ដូច្នេះអ្នកត្រូវកំណត់ឲ្យបានច្បាស់តើអ្នកណាដែលជាអ្នកអាចជួយសង្គ្រោះអ្នកបានពេលមានបញ្ហា។
ប្រភព៖ Thebnews
0 comments:
Post a Comment