ប្រាក់ សុវណ្ណរ៉ា​៖ Buriram ខ្លាំង​ជាង Muangthong តែ​ All Stars ក៏​ពេញ​កម្លាំង​ជាង​មុន​ដែរ​

គ្រូបង្វឹកក្រុម Cambodia All Stars លោកប្រាក់ សុវណ្ណារ៉ា បានពន្យល់កន្លងមក​ថា ការប្រឈម​មុខជាមួយ Buriram នឹងតានតឹងខ្លាំង​ជាងការយក​ឈ្នះ Muangthong ចុង​សប្ដាហ៍មុន ប៉ុន្តែលោកមាន​សុទិដ្ឋិនិយមថា All Stars ទំនងមានទម្រង់​លេងខ្លាំងក្លា​ជាងមុន តាមរយៈ​ការចុចឈ្មោះ​កីឡាករ​ពី​ជម្រើស​ជាតិ​១០​នាក់​បន្ថែម​ទៀត​មក​ចូល​រួម​ក្រុម​។ លោក​មាន​ទំនុក​ចិត្ត​ច្រើន​​ក្នុង​ការ​បង្កើត​លទ្ធផល​​ល្អ​មួយ​ប្រកួត​​ទៀត​ ទោះ Buriram ជាក្រុម​ដ៏ខ្លាំងក៏ដោយ​។ គ្រូបង្វឹកក្រុម Cambodia All Stars លោក ប្រាក់ សុវណ្ណារ៉ា ថា​៖«យើងសង្ឃឹមថាការ​ប្រកួតនឹងល្អជាងនេះ ព្រោះ​កម្លាំងកាយ កម្លាំងចិត្តក៏​មានច្រើនជាងមុន​។ យើងមានកម្លាំងមកជួយទៀត គឺកីឡាករពី​ជម្រើសជាតិ១០នាក់ទៀត។ សម្រាប់ខ្ញុំ ខ្ញុំនៅ​តែគិតថា Buriram ជាក្រុមដ៏ខ្លាំង បៀប​​ប្រៀបនឹង Muangthong កម្រ​ឈ្នះ Buriram បំផុត​»។ - See more at: http://keiladaily.com/?page=detail&ctype=news&id=1117&lg=kh#sthash.2X2CL0is.dpuf

គ្រូបង្វឹកឆ្នើមប្រចាំលីគ​រដូវកាល២០១៥បង្ហើប​ទស្សនៈផ្ទាល់ខ្លួន​ឡើងក្រោយ​ជ័យជម្នះ ៤-៣ លើ Muagthong សប្ដាហ៍​មុន ហើយ​លទ្ធផល​ដែល​អ្នកគាំទ្រ​ស្ទើរ​មិននឹកស្មាន​ដល់នោះ ជាកម្លាំង​ចិត្តដ៏សំខាន់ សម្រាប់ All Stars ក្នុងការប្រឈម​មុខជាមួយ ជើងឯក​លីគ​កំពូល​ថៃ​៥សម័យ​នៅ​ថ្ងៃសៅរ៍​ទី២៣​មករា​សប្ដាហ៍​នេះ​។ ដើម្បីត្រៀមប៉ះ Buriram ដែលគេជឿថានឹងអាចបង្ករព្យុះភ្លៀងខ្លាំងលើ All Stars ព្រោះ​មានកីឡាករពេញជើងទាំងថៃ​និងបរទេស​នោះ លោកប្រាក់ សុវណ្ណារ៉ា បានកោះ​ហៅ កីឡាករឆ្នើមៗ ១០នាក់ទៀត មកចូល​រួមហាត់ ភ្លាមៗក្រោយពួកគេបញ្ចប់​បេសកកម្មជម្រើសជាតិពី បង់ក្លាដែស កាលដើម​សប្ដាហ៍នេះ ដែលភាគ​ច្រើនសុទ្ធតែកីឡាករឆ្នើម​រួមមាន អ៊ុំ សេរីរ័ត្ន, ឃួន ឡាបូរ៉ាវី, ឈិន ឈឿន, ហុង ផេង, សុខ សុវណ្ណ, សឿយ វិសាល, នេន សុធារ័ត្ន, សំអឿន ពិដោរ, ហួយ ផល្លីន, ទិត្យ ឌីណា ផងដែរ​។ លោក ប្រាក់ សុវណ្ណា កំពុងមានទំនុកចិត្តលើកូនក្រុមលោកសម្រាប់ ជំនួបជាប្រវត្តិសាស្ត្រា​ជាមួយ ក្រុម​លើក​ពាន​ច្រើន​ជាង​គេ​បំផុត​​នៅ​លីក​ថៃ​មួយ​នេះ​។ អ្វីដែលគួរឲ្យចាប់​អារម្មណ៍ទៀត ការឈរបញ្ជាក្រុម All Stars លើទីលាន​តទល់ Buriram នឹងក្លាយជាការដឹក​​នាំ​ក្រុមកម្ពុជាលើក​ទី២ តទល់​ក្រុមខ្លាំង​ថៃមួយ​នេះ បន្ទាប់ពីលោក​បាននាំ បឹងកេត ចាញ់​ត្រឹម ១-០ ក្នុងការ ប្រជែង​តាងតឹង​បំផុត​​នៃវគ្គផ្ដាច់ព្រ័ត្រ Mekong Cup នៅ​បាងកក ថ្ងៃ២០ធ្នូកន្លងទៅ​។ គួរបញ្ជាក់ថា ជំនួបមនុស្សធម៌អង្គាសថវិកាជួយពេទ្យ គន្ធបុប្ផារវាងក្រុមកីឡាករ​ជម្រើសលីក​កម្ពជា ឬ Cambodia All Stars ជាមួយ Buriram នៅថ្ងៃ​សៅរ៍ទី ២៣មករា នឹងចាប់ផ្ដើម​ពីម៉ោង៦:៣០ល្ងាចនៅ ពហុ​កីឡដ្ឋានជាតិ ដែលនឹងផ្សាយផ្ទាល់​លើប៉ុស្តិ៍ PNN ផងដែរ៕