វឌ្ឍនាកា៖ Gbenga ជា​ដៃគូ​ប្រយុទ្ធ​ដែល​យល់​ចិត្ត​គ្នា​បំផុត​របស់​ខ្ញុំ​

វឌ្ឍនាកា៖ Gbenga ជា​ដៃគូ​ប្រយុទ្ធ​ដែល​យល់​ចិត្ត​គ្នា​បំផុត​របស់​ខ្ញុំ​ ចុះ​ផ្សាយ​នៅ​ថ្ងៃ ព្រហស្បតិ៍, 21 មករា 2016 07:00 AM ចាន់ វឌ្ឍនាកា និង Gbenga Sameul Ajayi អាចនិយាយបានថា គឺជាដៃគូប្រយុទ្ធ​ដ៏គ្រោះថ្នាក់​បំផុត​នៅ​កម្ពុជា​។ ជាក់ស្ដែង​រាល់​លើក​ដែល​ពួកគេ​ទាំងពីរ​ស្ថិត​នៅ​លើ​ទីលាន​ជាមួយ​គ្នា គ្រាប់បាល់​តែងតែ​កើតមាន​សឹងមិន​លស់ពេល​។ ពេល Cambodia All Stars ផ្ដួល Muangthong United ៤-៣នៅថ្ងៃសៅរ៍ទី១៦ខែមករា​ឆ្នាំ២០១៦ វឌ្ឍនាកា រកគ្រាប់បញ្ចូល​ទីបាន២គ្រាប់បន្ទាប់ពី​លោក ប្រាក់ សុវណ្ណារ៉ា ប្ដូរ Gbenga ចូល​ក្នុងតង់ទី២ ពោលគឺ Gbenga ជាអ្នក​បញ្ជូនឱ្យទាំងពីរ ស្របពេល វឌ្ឍនាកា យល់ចិត្ត Gbenga យ៉ាង​ច្បាស់​ថាគួរ​ធ្វើចលនា​ទៅរង់ចាំ​កន្លែងណា​។ - See more at: http://keiladaily.com/?page=detail&ctype=news&id=1116&lg=kh#sthash.vTkn1dFr.dpuf

កាលប្រកួត Mekong Club Championship 2015 លើកទី១ទល់នឹង Lao Toyota នៅ​វៀងចន្ទន៍ ក្រុមបឹងកេតអង្គរ មិនទាន់រក​គ្រាប់បាល់បានឡើយពេល Gbenga នៅលើទីលាន​​ដោយគ្មាន វឌ្ឍនាកា ដែលកំពុង​អង្គុយ​កៅអីបម្រុង។ តែបន្ទាប់ពីប្ដូរឱ្យ​ចូ​លលេងភ្លាម ចង្វាក់ប្រយុទ្ធរបស់​បឹងកេត ប្រែជា​ស្រួច​ស្រាល់ ហើយបន្តិច​ក្រោយមក ខ្សែប្រយុទ្ធវ័យ២១​ឆ្នាំរូបនេះក៏បំប៉ោងសំណាញ់​ទីជើងឯកឡាវ បានសម្រេច បន្ទាប់ពីទទួល​បាល់បញ្ជូនពី Gbenga មុនញាក់​ដាច់​អ្នកចាំទីស៊ុត​ចូលគ្រាប់ទី២យ៉ាងប៉ិន​ប្រសប់។ ប្រកួតទី២ទល់នឹង Yangon United ម្ចាស់ស្បែកជើង​មាសលីគកំពូលកម្ពុជា ស៊ុតមិន​ចូលទេ តែ​ខ្សែ​ប្រយុទ្ធ​សញ្ជាតិ​នីហ្សេរីយ៉ា Gbenga ស៊ុតចូល២គ្រាប់។ យ៉ាងណាក្ដី ការប្រកួតទី៣ទល់នឹងជើងឯក​លីគកំពូលវៀតណាម Becamex Binh Duong ក្នុងវគ្គពាក់​កណ្ដាល​ផ្ដាច់ព្រ័ត្រ វឌ្ឍនាកា បង្កភាពស្រឡាំងកាំងដល់​អ្នកគាំទ្រវៀតណាម​និយាយដោយឡែក និងមជ្ឍដ្ឋាន​បាល់ទាត់តំបន់​អាស៊ាន​ទាំងមូល​និយាយជារួម នៅពេលកីឡាករ​ជំនាញជើងឆ្វេងរូបនេះ​ធ្វើបានហ៊ែតទ្រីក​យ៉ាងគួរឱ្យចង​ចាំ ជាពិសេសការស៊ុត​វ៉ុលឡេគ្រាប់ទី៣ដែល​បញ្ជូនឱ្យដោយ Gbenga ជាថ្មីម្ដងទៀត​។ នៅក្នុងចំណោមគ្រាប់បាល់ទាំង៣៧របស់ វឌ្ឍនាកា ក្នុងលីគកំពូល​កម្ពុជាឆ្នាំ២០១៥ ភាគច្រើន​កើតឡើង​តាមរយៈការ​លេងយ៉ាង​យល់ចិត្តគ្នា​ច្បាស់រវាង​រូបគេ​ជាមួយ​ អតីតសមាជិក​ក្លិបលីគ​កំពូលថៃ Bangkok Glass, Chonburi និង Samut Songkhram វ័យ៣១ឆ្នាំ​។ នៅពេលសួរថាតើ Gbenga គឺជាដៃគូដ៏យល់ចិត្តគ្នាបំផុតមែនឬទេ? ម្ចាស់ពានរង្វាន់កីឡាករ​លេងបានល្អជាងគេ (Most Valuable Player) ប្រចាំ​ពាន Mekong Club Championship និងខេមបូឌាន​លីគឆ្នាំ២០១៥ វឌ្ឍនាកា តបថា៖ “បាទ! មែនហើយ។ នៅពេល Gbenga លេង​ជាមួយខ្ញុំ ធ្វើឱ្យការ​លេង​របស់​ខ្ញុំកាន់​តែងាយ​ស្រួល ព្រោះយើងយល់ចិត្ត​គ្នាច្បាស់ថាគួរធ្វើ​ចលនាបែបណា​នៅពេលខ្ញុំ​មានបាល់ និងហើយធ្វើបែបណា​នៅពេលគាត់មានបាល់​។ ពួកយើង​ដឹង​ចិត្តគ្នា​ជាមុនថាបាល់នឹងធ្វើទិសដៅ​ទៅខាងណានៅពេល​បន្ទាប់ ធ្វើឱ្យឱកាសរកគ្រាប់​បាល់សម្រាប់ក្រុម​មានប្រសិទ្ធភាពខ្ពស់​”។ - See more at: http://keiladaily.com/?page=detail&ctype=news&id=1116&lg=kh#sthash.vTkn1dFr.dpuf

ដោយសារភាពល្បីរន្ទឺទាំងក្នុងប្រទេសនិងក្រៅប្រទេស តាមរយៈទេពកោសល្យ​ស៊ុតបញ្ចូលទី វឌ្ឍនាកា ត្រូវបានក្រុមហ៊ុន​ទូរគមនាគមន៍ SEATEL តែងតាំង​ជាទូតសុឆន្ទៈ​ដែលមានតម្លៃខ្លួនខ្ពស់ជាងគេបង្អស់​ក្នុងចំណោមកីឡាករ​បាល់ទាត់កម្ពុជា ពោលគឺ២៥០០០ដុល្លារ​អាមេរិកក្នុងមួយឆ្នាំ រួម​ជាមួយ​ការ​ផ្ដល់​អត្ថប្រយោជន៍​បន្ថែមមួយចំនួនទៀត​៕