Cam-All Star ប៉ះMuangthong មុននេះ រក​បាន​ថវិ​ការ​ជាង ៣ម៉ឺន​ដុល្លារ​ ជួយ​មន្ទី​រ​ពេទ្រ​គន្ធ​បុប្ឋា​

លោក Aree Chavalitcheewingul ប្រ​ធាន​ទីផ្សា​រ​នៃ​ក្រុម​ហ៊ុន SCG Cement Building Materials ​បាន​បញ្ជាក់​ថា ជំនួបមិត្តភាព​​លក្ខណៈ​សប្បុរសធម៌ រវាង​ក្រុម​ម្ចាស់​ផ្ទះ​កម្ពុជា Cambodian All Star និង​ក្រុម Muangthong United របស់​ថៃ ដែល​ទើប​បញ្ចប់​ដោយ​លទ្ធ​ផល​ ៤-៣ គឺ​​រក​បាន​ថវិការ​ប្រមាណ​ជាង ៣០,​០០០​ដុល្លារ​អាមេរិក ពី​ការ​លក់សំបុត្រ និង​អាវ​អនុស្សាវ​រីយ៍ ដើម្បី​​ជួយ​ដល់​មន្ទីរ​ពេទ្រ​គន្ធ​បុប្ឋា ។

លោក​ Aree Chavalitcheewingul បាន​បញ្ជាក់​ថា ​ការ​ប្រកួត​ជា​ប្រវត្តិសាស្ដ្រ​នេះ​ បាន​បញ្ចប់​ដោយ​ជោគជ័យ​ជា​ខ្លាំង ដោយ​កីឡា​ករ​ក្រុម Cambodian All Star​ និងក្រុម Muangthong United បាន​បង្ហាញ​ពី​សមត្ថភាព​ដ៏​អស្ចារ្យ​រៀង​ៗ​ខ្លួន ​រហូត​ទាក់​ទាញ​អ្នកគាំ​ទ្រ​ឲ្យ​ចូលរួម​ទស្សនា​ព្រឹត្តិការណ៍​បាល់ទាត់​សប្បុរសធម៌​នេះ ​រហូត​ដល់​ ៤៥,៦៣៧​នាក់​។

លោក​បន្ដ​ទៀត​ថា​ ចំនួន​អ្នក​ចូល​រួម​នេះ ​បើ​គិត​ជា​ថវិការ​សរុប​ ដែល​ទទួល​បាន​ពី​ការ​លក់​សំបុត្រ​ក្នុង​តម្លៃ ​១​ដុល្លារ​និង​ ២​ដុល្លារ ​រួម​ទាំង​ការ​លក់អាវ​ក្នុង​តម្លៃ ​៥​ដុល្លារ​នោះ ​គឺ​មិន​ក្រោម ​៣​ម៉ឺន​ដុល្លារ​ឡើយ​ ។ ថ្វី​ត្បិត​ពេល​នេះ ​ចំនួន​ថវិការ​ជាក់ស្ដែង ដែល​ទទួល​បាន​ពី​ការ​រៀប​ចំ​ព្រឹត្តិការណ៍​ខាង​លើ​មិន​ទាន់​ដឹង​ក៏​ពិត​មែន ប៉ុន្ដែ​ក្រុមការ​ងារលោក​នឹង​មិន​ប្រើ​ប្រាស់​ថវិការ​ទាំង​នោះ ដើម្បី​ចំណាយ​លើ​ការ​រៀប​ចំ​ឡើយ​ ពោល​គឺ​លោក​នឹង​នាំ​យក​ថវិការ​ទទួល​បាន​ទាំងអស់​ ប្រគល់​ជូន​មន្ទីពេទ្រ​គន្ធបុប្ឋា​តែម្ដង។