ព័ត៌មានថ្មីៗបំផុតបាល់ទាត់ប្រដាល់NOCCអាស៊ានអាស៊ីអូឡាំពិកវីដេអូផ្សេងៗ
ខ្សែការពារ U19 កម្ពុជាម្នាក់ និយាយរឿងបានថតស្ប៉តដូច Ronaldo
ចុះផ្សាយនៅថ្ងៃ ពុធ, 20 មករា 2016 07:00 AM
ការរំលេចក្ដីស្រមៃទាំងនេះបានធ្វើឡើង ក្រោយខ្សែការពារមានប្រភពពី កំពង់ចាម លី វ៉ាហេទ បានក្លាយខ្លួនជាកីឡាករកម្ពុជាម្នាក់គត់និង ដំបូងគេ ដែលបានថតផ្សព្វផ្សាយឲ្យ សាប៊ូ Clear បុរស ផលិតផលដែលខ្សែប្រយុទ្ធអន្តរជាតិ Ronaldo ជាតួឯកផ្សព្វផ្សាយ។
ខ្សែការពារវ័យ១៨ឆ្នាំ លី រ៉ាវី និង លី មីហ្សាន និយាយថា៖ «គេប្រាប់ថាឲ្យខ្ញុំទៅថតស្ពត Clear ខ្ញុំសប្បាយចិត្តដល់ក។ ធ្លាប់ឃើញ Ronaldo ថតចឹង ខ្លួនឯងធ្លាប់គិតពីដំបូងថា ហ៊ឹម...! បើ ថ្ងៃណាមួយបើខ្ញុំបានថតចឹងដែរមិនដឹងម៉េចទេ? Ronaldo មិនមែនកីឡាករក្នុងចិត្តខ្ញុំទេ តែសប្បាយចិត្តដែលបានថតដូចគាត់»។
ក្នុងរូបរាងរខ្ពស់សង្ហា មុខមាត់ស្អាតបាតមិនចាញ់តារាសម្ដែងអាជីព វ៉ាហេទ បន្តថាខ្លួនពុំដែលប្រាថ្នាហក់ចូលវិស័យសិល្បៈទេ និងថា មិនសូវពូកែសម្ដែងឡើយ។ កីឡាករដែលជានិស្សិតឆ្នាំទី១ដដែលនេះ រៀបរាប់ថាបានចំណាយពេលស្ទើរពេញមួយថ្ងៃ ទម្រាំសម្ដែងត្រូវស្ប៉តសាប៊ូ ដែលមានរយៈពេលជាង១នាទីមួយនេះ។
វ៉ាហេទ បន្ថែមថា៖ «យើងដំបូងចឹងយើងភ័យៗ ពិបាកណាស់។ ពេលទៅថតហ្នឹង វាខុសច្រើនពេកចឹង គិតថាខ្លួនឯងពិបាកដែរ តែខំប្រឹងថានឹងធ្វើឲ្យបាន។ ខុសច្រើន ពិបាកសម្ដែងបំផុត រឿងលេងទឹកមុខហ្នឹងម៉ង»។
ប្អូនប្រុសបង្កើតរបស់ លី មីហ្សាន និង លី រ៉ាវី នៃក្លិបបឹងកេត រូបនេះនៅតែបន្តថាខ្លួនពុំដែលប្រាថ្នាក្លាយជាតារាសម្ដែងឡើយ ក្រៅពីភាពល្បីល្បាញក្នុងពិភពបាល់ទាត់ ប៉ុន្តែក្រោយលេចមុខក្នុងស្ប៉ត ផលិតផល ដែលផ្សព្វផ្សាយទៅពិភពលោកដោយ Ronaldo រួចហើយនោះ លី វ៉ាហេទ ថានឹងបន្តសាកល្បងការសម្ដែងបន្តបន្ទាប់ទៀត ប្រសិនមានឱកាស៕M
0 comments:
Post a Comment