ជាទូទៅស្បែកមុខខ្លាញ់ធ្វើឱ្យផ្ទៃមុខ មើលទៅក្មេងជាងវ័យ និង ពុំសូវមានស្នាមជ្រីវជ្រួញ ប៉ុន្តែស្របគ្នានោះដែរ វាក៏ធ្វើឱ្យសុភាពនារីបាត់បង់សម្រស់ផ្ទៃមុខដោយសារភាពរលើបរលោង និង រន្ធញើសរីកធំ ។
ជាដំបូង យើងគួរឈ្វេងយល់ពីឫសគល់នៃបញ្ហាស្បែកខ្លាញ់កើតឡើងដោយសារស្រទាប់ស្បែកក្រៅផលិតជាតិខ្លាញ់លើសកម្រិតដែលអាចបណ្តាលឱ្យកើត«មុន»ក្បាលខ្មៅ «មុន»កប់ក្នុងសាច់ និង បញ្ហាផ្សេងៗ ។ បញ្ហានេះអាចបណ្តាលមកពីកត្តាហ្សែន របបអាហារ ស្ត្រេស ឬ បម្រែបម្រួលអ័រម៉ូននៅពេលឈានដល់វ័យជំទង់ ។
ហេតុនេះស្បែកភាគច្រើនឡើងខ្លាញ់នៅពេលស្ត្រីមករដូវ មានផ្ទៃពោះ ឬ ពេលអស់រដូវ និង ពេលលេបថ្នាំពន្យារកំណើត ។ ដើម្បីកែខៃបញ្ហាស្បែកខ្លាញ់នេះសូមណែនាំវិធីងាយៗមិនបាច់ចំណាយច្រើន មិនប្រើជាតិគីមីដែលសុភាពនារីអាចសាកល្បងដោយខ្លួនឯង ។
១-ស៊ុតផ្នែកស : សម្បូរដោយវីតាមីន E , A ដែលអាចកម្ចាត់ជាតិខ្លាញ់ពីស្បែក បំបាត់ស្នាម«មុន» និង ធ្វើឱ្យផ្ទៃមុខតឹងណែន ។
វិធីធ្វើ : យកស៊ុតផ្នែកសក្រឡុកឱ្យសព្វ រួចលាបលើផ្ទៃមុខ ទុកឱ្យស្ងួត ហើយលាងចេញ ដោយទឹកក្តៅឧណ្ហៗ (គួរធ្វើ ២ ដងក្នុង ១ សបា្តហ៍) ។ បន្ទាប់មកក្រឡុកស៊ុតសជាមួយទឹកក្រូចឆ្មារ ១ ចំណិត លាបលើផ្ទៃមុខទុកចោលប្រមាណ ១៥ នាទី ហើយលាងចេញដោយទឹកក្តៅឧណ្ហៗ ៕លក្ខិណា
0 comments:
Post a Comment