បើអ្នកមិនសូវប្រាកដក្នុងចិត្តថាអ្វីដែលគូស្នេហ៍របស់អ្នកកំពុងនិយាយ គឺជាសម្តីកុហក ឬ អត់នោះ អ្នកអាចធ្វើការសង្កេតពីអាកប្បកិរិយារបស់គេ ។ នេះជាកាយវិការដែលអ្នកគួរសង្កេត ព្រោះវាអាចបញ្ជាក់ថា គូស្នេហ៍ របស់អ្នកកំពុងលេងស្នៀតកុហកភូតភរ ឬ ជាសម្តីពិត ។
១-ចាប់កាន់នេះកាន់នោះ
ក្នុងពេលនិយាយ គេចាប់កាន់ច្រមុះ… កាន់ត្រចៀក ត្រដុស-ក ជាដើម ។ បើគេសម្តែង ចេញកាយវិការបែបនេះ ជាសញ្ញាបញ្ជាក់ថា គេកំពុងលេងល្បិចបោកអ្នកហើយ ។
២-គ្រលៀសក្រសែភ្នែកទៅមក
គេកំពុងប្រើគំនិតយ៉ាងខ្លាំងក្លាថា ត្រូវប្រើស្នៀតអ្វីនិយាយចេញមកទៀត
៣-បង្អង់បន្តិចមុននឹងឆ្លើយ
មនុស្សដែលនិយាយការពិតមិនបង្អង់ពាក្យសម្តី ដោយនឹករកពាក្យតបតនោះទេ ព្រោះមិនចាំបាច់គិតរកល្បិចក្នុងការឆ្លើយឆ្លងនោះទេ ។
៤-គំហក
ពេលអ្នកកំពុងសួរនាំរកហេតុផល គេបែរជាស្រែកគំហកដាក់ ដែលនោះស្មើនឹងគេកំពុងបង្វែងដានការពិត ព្រោះការគំហកនេះដើម្បីកុំឱ្យអ្នកមានឱកាសសួរដេញដោលបន្តទៅទៀត ។
៥-មិចភ្នែកញឹកញាប់
មនុស្សដែលកុហកតែងចូលចិត្តមិចភ្នែកញឹកញាប់ ពីព្រោះពួកគេត្រូវការបិទបាំងពីក្រសែភ្នែកពិត ដែលនឹងត្រូវសម្តែងចេញមក ។
៦-ដែនៅមិនសុខ
បុរសដែលនិយាយកុហក ដៃរបស់គេនៅមិនសុខទេ គឺតែងតែចាប់កាន់នេះកាន់នោះ នៅមិនស្ងៀម ។ ចំណែកឯជើងតែងគ្រវីគ្រវាត់ ឬ ឆ្កឹះនេះឆ្កឹះនោះជានិច្ច ៕
0 comments:
Post a Comment