ដោយមានកម្ពស់ត្រឹមតែ ១,៥០ ម៉ែត្រ នាងខ្ញុំពិតជាភ័យខ្លាចប្រឈមនឹងមនុស្សម្នាពេលចេញ្ញទៅក្រៅ ។ ម្យ៉ាងទៀតខ្ញុំកំពុងព្រួយចិត្ត ព្រោះជិតដល់ថ្ងៃសម្រេចចិត្តជ្រើសរើសយកអាជីពជាគ្រូបង្រៀនដែរឬអត់ ?
នាងខ្ញុំមានអាយុ ១៩ ឆ្នាំ ទើបបានចូលសិក្សានៅមហាវិទ្យាល័យឆ្នាំទី ១ ហើយគោលបំណងរបស់នាងខ្ញុំគឺចាប់យកអាជីពជាគ្រូបង្រៀន ។ តាមការ យល់ឃើញរបស់មិត្តភក្តិនាងខ្ញុំជាមនុស្សរីករាយ ចុះសម្រុងនឹងគេ និង មានមុខមាត់ស្រស់ស្អាតគួរសម ។ អ្វីដែលធ្វើឱ្យនាងខ្ញុំមិនសប្បាយចិត្តចំពោះខ្លួនឯងគឺកម្ពស់ ។ ជំនាញដែលនាងខ្ញុំទើបចូលសិក្សាក៏កំពុងតែជាបញ្ហាស្មុគស្មាញធំមួយ ព្រោះពេលបានធ្វើជាគ្រូបង្រៀនមិនដឹងថានាងខ្ញុំត្រូវប្រឈមនឹងបញ្ហា អ្វីខ្លះ ក្នុងការទាក់ទងជាមួយសិស្ស បើនាងខ្ញុំមានកម្ពស់ត្រឹមតែ ១,៥០ ម៉ែត្រ ។
ចំញេះរឿងមនោសញ្ចេតនា តាំងពីដឹងក្តីមកដល់ពេលនេះ នាងខ្ញុំមិនទាន់មានសង្សារនៅ ឡើយ ព្រោះបុរសមួយចំនួនដែលនិយាយថានាងខ្ញុំគួរឱ្យចូលចិត្ត គួរឱ្យស្រឡាញ់ ប៉ុន្តែនាងខ្ញុំនៅមិនទាន់ជឿលើមនោសញ្ចេតនារបស់ពួកគេសោះ ។ ម្យ៉ាងទៀតនាងខ្ញុំក៏មិនហ៊ានសម្តែងអារម្មណ៍របស់ខ្លួនចំពោះពួកគេឡើយ ហើយនាងខ្ញុំក៏ស្ទើរតែមិនចង់ទៅឈរក្បែរពួកគេដែរ ។ ពេល បញ្ចប់ការសិក្សា ថ្ងៃណាមួយឪពុកម្តាយបង្ខំឱ្យមានគូស្រករ មិនដឹងថាតើបុរសដែលព្រម យកនាងខ្ញុំជាភរិយាពិតជាស្មោះចំពោះនាងខ្ញុំឬអត់ ?
បើទោះជាតាំងពីដើមរៀងមក គ្រួសាររបស់នាងខ្ញុំតែងមានសុភមង្គល មានភាពសប្បាយរីករាយ ជាគ្រួសារដែលមានទ្រព្យសម្បត្តិល្មម រស់នៅសមរម្យក្នុងសង្គម ប៉ុន្តែជីវិតជាក់ស្តែងដែលមនុស្សម្នានិយមយករូបសម្បត្តិជាធំ ពិតជាធ្វើឱ្យនាងខ្ញុំភ័យព្រួយខ្លាំងណាស់ ។ សូមមេត្តាជួយផ្តល់យោបល់មក នាងខ្ញុំផង ។ សូមអរគុណទុកជាមុន !
ចំពោះស្ត្រីមានវិបត្តិ
តាមការមើលឃើញជាក់ស្តែង និង តាមរបាយការណ៍ស្តីពីកម្ពស់ជាមធ្យមរបស់បណ្តាប្រទេសក្នុងពិភពលោក កម្ពស់ ១,៥០ ម៉ែត្រ របស់នាងគឺទាបជាងស្តង់ដារ បើធៀបនឹងកម្ពស់មធ្យមរបស់ស្ត្រីទូទាំងពិភពលោក និង ប្រទេសជិតខាង ( កម្ពស់ជាមធ្យមរបស់ស្ត្រីទូទាំងពិភពលោក គឺ ១,៦៥ ម៉ែត្រ នៅប្រទេសថៃ គឺ ១,៥៩ ម៉ែត្រ នៅវៀតណាម គឺ ១,៥៥ ម៉ែត្រ និង កម្ពុជា គឺ ១,៥២ ម៉ែត្រ ) ។ បើធៀបនឹងកម្ពស់មធ្យមរបស់ស្ត្រីកម្ពុជា កម្ពស់របស់នាងទាបជាងកម្រិតមធ្យមត្រឹមតែ ០,២០ ម៉ែត្រប៉ុណ្ណោះ មានន័យថា នាង ទាបជាងកម្រិតស្តង់ដារនៅកម្ពុជា ។ ថ្វីបើកម្ពស់ក៏ជារឿងសំខាន់មួយ ក៏ប៉ុន្តែអ្វីដែលសំខាន់ផងដែរនោះ គឺមានដូចជាសម្រស់អត្តចរិត ចំណេះដឹង ការជឿជាក់លើខ្លួនឯង ការស្រឡាញ់ជីវិត ទទួលយកអ្វីដែលកំពុងមាន និង ការស្រឡាញ់រាប់អានមនុស្សនៅជុំវិញខ្លួន ឬ ទំនាក់ទំនង ។ល។ កត្តាទាំងនេះក៏នឹងរួមចំណែកជួយឱ្យនាងមានភាពលេចធ្លោក្នុងសង្គម ។
នាងប្រហែលជាធ្លាប់បានហូបបន្លែម្យ៉ាងដែលគេហៅថាស្ពៃតឿហើយមើលទៅ ។ ដូច្នេះសួរថា តើស្ពៃ តឿនេះមានរសជាតិឆ្ងាញ់យ៉ាងណា ហើយមានមនុស្សប៉ុន្មានរយលាននាក់ចូលចិត្តទទួលទាន ? ចម្លើយ គឺថាវាឆ្ងាញ់ និង មានមនុស្សជាច្រើនចូលចិត្ត ។ កម្ពស់មិនមែនជាកត្តាសំខាន់មួយដែលអាចសម្រេចឱ្យនាងបរាជ័យ ឬ ជោគជ័យនោះទេ ។ ដើម្បីជួយឱ្យបំណងរបស់នាងបានសម្រេចនាងត្រូវតែលើកកម្ពស់កត្តា មួយចំនួនដូចដែលបានរៀបរាប់ខាងលើ ។ សម្រស់គេអាចកែឱ្យស្រស់ ស្អាតវិញ្ញ្ញ្ញបានតាមរយៈវិធីកែសម្ផស្ស ។ ចំណេះដឹងអាចបំពេញបានដោយការសិក្សាឈ្វេងយល់ ។ ទំនាក់ទំនងពឹងទៅលើភាពរាក់ទាក់ ការរាប់អានជាដើម ។ ទាំងនេះយើងគិតថានាងពិតជាធ្វើបានល្អ ។ លើសពីនេះនាងគួរស្វែងរកចំណុចវិជ្ជមានទាំងឡាយរបស់ខ្លួន ហើយ ធ្វើឱ្យវាបានលេចធ្លោបន្ថែមទៀតដើម្បីជាការទាក់ទាញដល់មនុស្សនៅជុំ វិញខ្លួន មិនថានៅក្នុងភូមិនៅកន្លែងធ្វើការ ឬ នៅទីសាធារណៈ ។
ទន្ទឹមនឹងសម្រស់ផ្ទៃមុខ សម្រស់សម្បុរស្បែក នាងក៏គួរយកចិត្តទុកដាក់លើទម្ងន់រាងកាយរបស់ខ្លួនដែរ ។ ដោយសារតែមានកម្ពស់មិនជាទីគាប់ចិត្ត នាងក៏មិនត្រូវបណ្តោយឱ្យរាងកាយធាត់ដែរ ពោលគឺត្រូវឱ្យមានភាពសមស្របរវាងទម្ងន់ និង កម្ពស់ ។ របៀបនៃការទទួលទានអាហារដែលសម្បូរដោយជីវជាតិ និង មិនធ្វើឱ្យឡើងទម្ងន់ នាងអាចស្វែងរកបាននៅលើឯកសារដែលនិយាយពីសុខភាព ។
បញ្ហារូបរាងទាបក៏មានវិធីមួយចំនួនជួយលើកកម្ពស់ឱ្យខ្ពស់ជាងធម្មតា ដូចជាប្រើប្រាស់ស្បកជើងកែងចោត ស្លៀកពាក់ខោអាវសមស្រប ធ្វើសក់តាមរបៀបអ្នកកម្ពស់ទាប ។ល។ សម្រាប់អាវ នាងគួរជ្រើសរើសអាវ កាក់ខើចខ្លី អាវរងាវែងគ្មានដៃ អាវរងាវែងមានដៃ តែរឹបចង្កេះ ទាំងនេះត្រូវតែជាអាវរាងមិនរលុង ។ ចំពោះខោវិញនាងគួរស្លៀកខោខ្លីចាប់ពីលើជង្គង់ដល់គល់ភ្លៅ ឬ ខោវែងរឹបរាង ឬមួយស្លៀកខោ ឬ សំពត់ខ្លី និង ស្រោមជើងវែងដល់គល់ភ្លៅ ដើម្បីជួយឱ្យជើងទាំងពីរមានសភាពវែង ។ សម្រាប់ម៉ូដសក់ដែលសមស្រប និង អាចជួយលើកកម្ពស់របស់នាងបាននោះ គឺម៉ូដ«កន្ទុយសេះ»ដែលសក់ខាងក្រោយត្រូវធ្វើឱ្យស្រឡូនចងខ្ពស់ និង ខាងមុខត្រូវផ្លុំបំប៉ោងខ្ពស់ទៅលើ ។ ធ្វើបានដូចយោបល់ខាងលើ ជឿជាក់ថានាងនឹងក្លាយជានារីស្រស់ស្អាតលេចធ្លោក្នុងចំណោមមនុស្ស ហើយលទ្ធផលនាងនឹងបានទទួលជោគជ័យក្នុងជីវិតមិនខាន ៕
សូមជូនពរនាងឱ្យសម្រេចដូចប្រាថ្នា !
0 comments:
Post a Comment