ក្នុងស្ថានភាពមួយនៅពេលដែលដៃគូស្នេហាទាំងពីរមានសភាពអាក្រាតនោះ វាតែងមានចំណុចជាច្រើនដែលគួរឈ្វេងយល់ ដូចជា ក្លិន ញើស និង សូម្បីតែសំឡេងក៏អាចជាចំណុចដែលគួរយកចិត្តទុកដាក់ផងដែរ ។ ក្នុងកំណត់ត្រានៃការសិក្សាមួយ«កម្រងនៃឥរិយាបថផ្លូវភេទ» ដែលទើបចេញផ្សាយក្នុងឆ្នាំ ២០១៤ បានឱ្យដឹងថា ស្ត្រីទូទៅតែងទទួលការបបោសអង្អែលបានគ្រប់ឥរិយាបថទាំងអស់ជាជាងបុរសដែលមិន សូវពេញចិត្តនឹងឥរិយាបថខ្លះៗ សូម្បីតែកម្តៅខ្លួនរបស់ស្ត្រី ។ ពិតហើយបុរសទាំងអស់មិនដូចគ្នាទេ ។ ខាងក្រោមជាចំណុចខ្លះៗដែលធ្វើឱ្យបុរសរត់ចេញពីលើគ្រែ បើភាគីស្ត្រីមិនបានយកចិត្តទុកដាក់ ។
១ – បញ្ហាក្លិនខ្លួនមិនល្អ
ក្លិនដែលបញ្ចេញពីដៃគូដូចជាក្លិនខ្លួនជាដើមក៏មានផលប៉ះពាល់អារម្មណ៍ក្នុងពេលរួមភេទផងដែរ ។ មានន័យថា ភាគីស្ត្រីមិនបានយកចិត្តទុកដាក់ និង ថែរក្សាខ្លួន ជាពិសេសក្រោយពេលហាត់កីឡាជាដើម ។ ដូច្នេះស្ត្រី និង បុរសគួរងូតទឹកនៅមុនពេលចាប់ផ្តើមប្រតិបត្តិការ ។
២ – ក្លិនដង្ហើមមិនល្អ
ប្រសិនបើអ្នកទើបពិសាអាហារដែលមានក្លិនឆួលខ្លាំងដូចជាខ្ទឹមបារាំង អ្នកប្រាកដជាមានខ្យល់ដង្ហើមមិនល្អមិនខាន ។ បើគូស្នេហ៍ទាំងពីរមានការណាត់ជួប សាសងដំបូង ឬ មានបំណងចង់រួមមេត្រី អ្នកទាំងពីរក៏មិនគួរពិសាអាហារប្រភេទនេះដែរ ។ បញ្ហាគឺថា បើអ្នកមានខ្យល់ដង្ហើមមិនល្អ អាចជារនាំងនៃឧបសគ្គស្នេហា ។
៣ – មិនមានទំនុកចិត្តពីរឿងលើគ្រែ
ការបញ្ចេញឥរិយាបថភ័យៗ ផ្អើលៗ ឬ រំភើបជ្រុលពេក ជាពិសេសក្នុងពេលដោះសម្លៀកបំពាក់ក៏អាចធ្វើឱ្យបុរសមួយចំនួនមិនសូវជាពេញចិត្តដែរ ព្រោះអាចធ្វើអោយភាគីបុរសមានអារម្មណ៍មិនស្រណុកចិត្ត និង ជាសញ្ញានៃអសុវត្ថិភាពរឿងលើគ្រែ ។ ដូច្នេះភាពជឿជាក់លើខ្លួន និង ត្រូវយល់ពីស្ថានភាពបែបនេះខ្លះៗ ក៏អាចជួយឱ្យស្នេហាអ្នកបានស្ថិតស្ថេរផងដែរ ដូច្នេះចូរអ្នកកុំអៀនអី ។
៤ – ស្ថិតក្នុងកំលុងពេលមករដូវ
៦០ ភាគរយ នៃស្ត្រីពិតជាមិនមានភាពងាយស្រួលក្នុងការរួមភេទឡើយ ជាពិសេស ក្នុងកំលុងពេលមករដូវ ហើយចំពោះភាគីបុរសវិញក៏មានអារម្មណ៍ដូចគ្នាដែរ ។ ប៉ុន្តែចំពោះ បុរសដែលមានវ័យចំណាស់បន្តិចពិតជាអាចយល់បានពីបញ្ហានេះ ។ ដូច្នេះភាគីស្ត្រីគួរនិយាយ ប្រាប់ភាគីបុរសជាមុនបើចង់មានការពន្យារពេល ។
៥ – និយាយពាក្យអសុរោះ
ការនិយាយពាក្យអសុរោះក៏ធ្វើឱ្យបុរសខ្លះមិនពេញចិត្ត និង អស់អារម្មណ៍ចំណង់ផ្លូវ ភេទខ្លះដែរ ។ តាមការសិក្សាបានឱ្យដឹងថា មានបុរស ១២ ភាគរយ មិនពេញចិត្តនឹងការ និយាយស្តីបែបនេះក្នុងពេលរួមភេទឡើយ ។ ដូច្នេះភាគីទាំងពីរគួរនិយាយអ្វីដែលរីករាយ ជាមួយគ្នាមុនពេលឈានដល់រឿងលើគ្រែ ។
៦ – បន្ទោបង់ដោយមិនបិទទ្វារបន្ទប់ទឹក
ទាំងបុរស និង ស្ត្រីមិនអាចទទួលយកឥរិយាបថបែបនេះបានឡើយ ព្រោះវាដូចជាចម្លែកបន្តិច ជាពិសេសដំណាក់កាលទើបនឹងស្គាល់គ្នា និង ត្រូវការភាពឯកជនខ្លះនោះ ។
៧ – ថើបមាត់បុរសភ្លាមៗបន្ទាប់ពីបម្រើអាប្អូនតូចរួច
ចំណេះឥរិយាបថបែបនេះបុរសខ្លះមិនជាការទាស់ចិត្តអ្វីទេ ប៉ុន្តែសម្រាប់អ្នកខ្លះទៀត យល់ថា វាជាប្រការមិនល្អ និង ខ្ពើម ព្រោះទឹកដែលបញ្ចេញពីអង្គជាតិ ឬ រាងកាយ អាចផ្តល់ភាពត្រេកត្រអាលផង និង ជាការរអើមផង ៕សុផល
0 comments:
Post a Comment