១) បង្កើតជម្រើសដែលផ្ដល់ភាពបត់បែនដល់ខ្លួនឯង
អ្នកត្រូវប្រាកដថា ជម្រើសដែល អ្នកបង្កើត ត្រូវតែផ្តល់ភាពបត់បែនដល់ខ្លួនឯង បើតាមលោក Andrew Likierman ព្រឹទ្ធបុរសនៃសាលា London Business School ថ្លែងថា ការសិក្សា នយោបាយ ទស្សនវិជ្ជា និង សេដ្ឋកិច្ច នៅមហាវិទ្យាល័យ និង ការសម្រេចចិត្ត ទទួលយកបន្ថែមនូវកម្រិតអប់រំ គឺជាការផ្តល់ភាពបត់បែនឲ្យខ្លួនឯងនៅក្នុងខួរក្បាល។
លោក Andrew Likierman បានផ្តល់អនុសាសន៍ឲ្យមនុស្សគួរតែទទួលបានការសិក្សាថ្នាក់បរិញ្ញាបត្រជាន់ ខ្ពស់ MBA ព្រោះថាកម្រិតសិក្សាកាន់តែខ្ពស់ អាចធ្វើឲ្យអ្នកបង្កើតជម្រើសឲ្យខ្លួនឯងច្រើន ជាមួយនឹងភាពបត់បែន។ ហើយអ្វីដែលជាការពិតគឺអ្នកផ្តល់ជម្រើសឲ្យខ្លួនឯងជាមួយនឹងការអប់រំ។ នៅពេលដែលមនុស្សរៀនកាន់តែខ្ពស់ ពួកគេជាមនុស្សដែលធ្វើរឿងប្លែកៗជាច្រើនទៅតាមសម័យកាល និង កាលៈទេសៈ។
២) ត្រូវយល់ថាអ្វីៗមិនអាចដំណើរការល្អទៅមុខរហូតនោះទេ
អ្នកត្រូវតែចេះគិតថា អ្វីៗនៅក្នុងលោកមិនអាចដំណើរការទៅមុខល្អរហូតនោះឡើយ លោក Andrew Likierman ថ្លែងថានៅពេលដែលលោកចូលប្រឡូកក្នុងវិស័យការងារ គឺនៅចំពេលដែលមានវិបត្តិសេដ្ឋកិច្ចកើតឡើង។ លោកថ្លែងថាអ្វីដែលដំណើរការទៅមុខល្អ វាក៏អាចដើរថយក្រោយនេះធ្លាក់ចុះមកវិញផងដែរ។ ដូច្នេះការចេះសន្សំសំចៃផ្ទាល់ខ្លួនផ្ដល់ផលប្រយោជន៍ច្រើននៅពេលជួបបញ្ហា។
៣) ត្រូវរៀនពីវប្បធម៌របស់ប្រទេសដទៃឲ្យបានច្រើនតាមអាចធ្វើបាន
អ្នកត្រូវតែរៀននិងស្វែងយល់ពីវប្បធម៌ប្រពៃណីប្រទេសដទៃឲ្យបានច្រើនតាមដែលអាចធ្វើទៅបាន ព្រោះថា វានឹងជួយអ្នក ធ្វើការផ្លាស់ប្ដូរវិស័យ និង ប្រទេសខ្លួន នៅពេលដែលអ្នកទទួលបានផ្នត់គំនិតកាន់តែច្រើនពីខាងក្រៅ។ បន្ថែមពីលោកនេះលោក Andrew Likierman ថ្លែងថាវាជាពេលដែលអ្នកអាចរៀនសូត្រ ពីរបៀបគិតរបស់មនុស្សដែលមានវប្បធម៌ប្រពៃណីខុសពីអ្នក តើពួកគេជាមនុស្សមានផ្នត់គំនិត ដូចម្ដេច ប្រស្រ័យទាក់ទងគ្នាដូចម្ដេច ដែលសុទ្ធតែជារឿងអ្នកអាចយកមកប្រើប្រាស់បានប្រសិនរឿងនោះត្រូវនិងបរិបទក្នុងជីវិតអ្នក។
៤) ត្រូវយល់ពីសារសំខាន់នៃការទំនាក់ទំនង
ចុងក្រោយបំផុតត្រូវតែចេះស្វែងយល់ពីសារសំខាន់ នៃការធ្វើទំនាក់ ទំនង។ អ្នកអាចមានគំនិតដ៏អស្ចារ្យ ប៉ុន្តែអ្នកមិនអាចធ្វើអ្វីបានទាំងអស់ ជាមួយមនុស្សដទៃ លុះត្រាតែអ្នកមានការទំនាក់ទំនងគ្នាល្អជាមួយនឹងពួកគេ។ បើតាមលោក Andrew Likierman នៅក្នុងវិស័យការងារ ទោះបីជាមនុស្សដទៃ មានសមត្ថភាពលើអ្នក ពូកែជាងអ្នក ប៉ុន្តែប្រសិនបើពួកគេគ្មានការទំនាក់ទំនងល្អទេនោះ ពួកគេនឹងមិនអាចជោគជ័យច្រើនដូចមនុស្សដែលធ្វើកែធ្វើទំនាក់ទំនងនោះឡើយ។
0 comments:
Post a Comment